Dibindaabyo

Markalay i dareentay

U dabaalay jacaylku

Markalay i dirnaatay

Sidii wali dooran

Si baas u duraantay

Markalay dhab u daadi

Diiqada kalgacaylka

Ilmadeeda u duugtay

baroorta ka daashay,

Markalay dib u eegtay,

Waxay ka dul booday,

Ilayn dab abuuran

Qofkii dabin la aa

Daruurinta gaaska

Ku sii dardaraayo,

Ayaan olol daynin,

Ilayn digri caashaq

Qof aad u dalbayso

Misana ku duceeya

Habaar iyo daafad

Qalbiga u dirnaada

Ayaan doqon baasa

Ilayn laba dookhu,

Isku soo durkinaayo

Hadana dabcigooda

Dantooda ogaanin

Ayaa dad u liita,

Ilayn laba daa in

Jacayl ku duraama,

Misna dadab gaysta

Habeen midi dooran

Ayaa dib jiraaya

Ilayn naf la daaray,

Dareen ku asqowday

Dawaafta habeeno

Dayaxa ka ag toosta

Ayaan ifkan dooran

Ilayn qof dubaaqa

Qofkii dagay wayday,

Xiisaha qof dalbaysa,

Ayaan dib u seexan

Ilayn dawo ruuxa,

Dabiib u qoraaya,

Daneeya agteeda

Hilowgu ku duulye,

Qaraamiga duuban,

U daara calaacal,

Ilayn wacad daaha,

Qalbiga u dirnaada,

Qoftuu ku dagaayo

Misana calaf diido

Ayaan ladin duunka

Afartaa dabiibta

Dihdaydiyo taaha,

Anaa dar u leefay,

Sidii Dacar nuugay

Anaa darsi beena,

Dardaaran jacayla,

Daabashay riyaaqa

Anaa ku dan seegay

Anaa dun xariira,

Sidii qorax daarta

Dunida u iftiinta

Anaa la dawaafay

Anaa dabci ruuxleh,

Wallee durji nuura,

La soo yara dooday,

Misana dib u waayay

Aheey dagdagayga,

Aheey diiqadayda,

Durdurka ilmadayda

Duraankiyo ciillka

Durtaba samirtayda,

Duruusta jacaylka,

Xusuusta durtiiba,

U daaran qudhayda,

Anaa dan u quustay

Iyadoo la doonay

Daraadna la hooyay

Ayaan dahabkii

Qorax duhur taagan

Ku dayday tooshe