Mid dawaysbaa timid

 .............

Yarkii aad dulayseed

Shalay aad ku daadisay

Show intuu dareen galay

Dabadaa qof muu baran

Durray weeyi caashaqu

Loo diri qof loo dirro

Damacii ii kaa helay

Danba way igga kaa jaray

Hadii aad digtoor hayd

Ama dumar wax dheerayd

Doogg,tiyo xanuunkii

Mid dawaysa baan timid,

Digtay waa markaygii,

Durkay waa halkaagii

Dadna waa ninkaagii

Duni kaaga soo ifay

Anna dòonistayadii

Dookhaygii waan helay

Dayaxii habeenaad

Cadeed duhurabaa tidhi

Ha iska damo nuurkii

Dunta iyo xariirtii

Guudka kaaga daahnayd

Badwayntaan dalaq yidhi

Danahaygii uma nicin

Inkastood dabayshaday

Xubigii ma maax dumin

Ubixii dareemadda,

Doox yada la jaar haa,

Mar haduu ka door biday

Dugufkiyo hadhaayada

Ha u baxo si muuq daran

Tallo ruuxii kugu daray

Sowdigii ka dudi jiray

Dadna moodi jiray wahel

Dadna moodi jiray cadow

Anna dooda igu furray,

Dartay sowdigii nacay

Dagmadaad ku noolaa

Sowdigii dawaaf haa

Cagta daalli yidhi socod,

Hadaad daaqqadaa xigo,

Dar alloon rakaab ahay

Buska oo dad badan sida

Sowdigii ka dagi jiray

Kibirkiyo dinaaxigga,

Doqon yaa jeclaan jiray

Ku daayay i odhan jiray

Si baas iigu diggan jiray

Markaad sii dagaysanna

Sidii aan dabaal haaa

Lacagtaa annaa dirray

Dirawalka ku odhan jiray

An heshiino deeqaay

Waa duniye abaal dhigo

Si kastaba ku daakiray

Ergo kuugu soo diray

Dibse waa markaagii

Waa dareentay xaalkii

Inaan daacad kuu haa

Kii isku keen diray

Waad ogaatay dabaday

Darajaduu kuu taagnaa