Waydaaro dhankayga !!

Way-daaro dhankayga !!

Waa qalbi hadlaaya oo dhowr jeer la qoomay,dareenbaa ka yeedhsiiyay waana uu xog-waramay isaga ood moodo inuu iga baqaayo, igama rajaynaayo inaan wax uu ku dago ka qori doona wuu igala meermeeray qisadiisa haddana wuu iga  aamusi kari waayay,wuu holaday hoos ayuu u foorarsaday si uu ka xun yahay waxa ku dhacay iyo sida uu u waayay qudhii uu naftiisa ka jeclaaday.

Goor fiida ayaanu kulaynay,si aan isku xog waraysano oon iskugu waayo warano. Isagga ood moodo inaan dhowr bari waxba cunin. 

Waxa aan cabaar fadhino, shaahiina na hor yaalo ayuu hadal hoose igu yidhi heblaayo waanu kala tagnayn, heblaaya aa oo helblaayadu waa tuma gabdhii aad isku kaaya ogoyd een iskiin baray.

Waa runtiiyoo dhowr jeer ayuu na kulansiiyay anigoo isaga la socda, waanu iskaaya baray waa gabadh aan anigu isla jeclaa inay nolol ku midoobaan mustaqbalka, way qurux badnayd,oo waxa ay ahayd boqorad, qofkii arkaaba ku dhaayo furanaayo, waxay ahayd qof diin iyo akhlaaq leh, waxay ahayd qof fur-furan oo dabeecad wanaagsan dad la dhaqan fiican leh, wax ay ahayd haldhaa soo jiidasho leh marti soor fiicin habeen ay gurigooda nagu casuuntay si wanaagsan ayay noo soo dhaways, waan xasuustaa habeenkaa waxay i waydiisay dhowr su,aalood ayay ka mid ahayeen" wali miyaanad guursan ? iyo maxaad ka shaqaysaa ?"kuwaasi waa weedhaha kaliya een ka xasuusto kulankii habeenkaas ee  igu dhaliyay inay  xusuus igu lahaato.

Intaa marka uu i yidhi saaxibkay,wali waa fooraara hadalkii ayaan aniguna ku celcelinayaa saxiib runta ii sheeg ? ma dhici karto !! maxaa sababay inaad kala tagtaan? hadana telefoonkii ayuu furay,si ii tuso fariimihii ugu danbeeyay ee ay is waydaarsadaan.

Kuwaas oo ah kuwo wax  rajo ah oo iskugu hadhay ka muuqan waan eegay oo sare iyo hoos ayaan u raacay, dhabaalo xanuun badan oo aad murugtooda akhriyi karin,ayay is dhaafsadeen,sacaado ayaan anfariiray,annigoo kalna moibaylkiisa  eegaya marna isaga eegaya foolkiisa  aad moodo inuu qabri ku soo dumay.

Qoraaladii aan habeenkaa mobilkiisa ka akhriyay ,waxa aan ka xasuustaa dhabaal ayay iyadu u soo qortay oo u dhignaa sidan "Adiga wax qallada ma lihid,ee waa aniga waanan ku saxnahay,inaan noloshaada ka fogaado waayo qof aan u qalma ma tihid oo waan kaa xiiso dhacay.  " ..

Iyo fariin uu isna ugu jawaabay isagoo wali u baahan inayn nolosha la qaybsato waxay ahayd " Wali waad iga sii fogaanaysaa adoon sababta ii sheegin "

Labadan fariimood waxay ii ahaayeen ibo furka tixdan aan xagga hoose ku xusay magaceeda,inkastoon wada dhamayn baydadka maansada saaxiibkay, hadana dhowr habeen ka dib ayaanu kulanayn oo dhowr meeris uga mariyay anigo ugu laab-qaboojinaaya,inaan curiyay tix isaga dareenkiisii ka waraymaysa. 

Cabaar ka dib ayuu ii sheegay war kalle oo xageeda kagga yimid oo gabadh ayay iyada saxiib ahaayeen ugu soo dirtay qaab qoraal ah fasbuugiisa.

Fariintaas oo ahayd in hebla la soo doonaayo maalinta khamiista ah,oo ay isagaba ka tashatay,maalmaha soo socda noqon doonta marwo la qabo. 

Argagax waynaa oo maqashaybaa gabigayguba waan baxay oo mooyi meel aan tagay, inta aan ka naxay waligay kama nixin qof kalle saxiibkay ayay u niyad qaboojiyay waxa aanan u sheegay inuu calaf ka adeegay oo iska iloobo anna aan ka hadli doono qisadiisa.

Maalmo ka dib waa la soo doonay oo sidii caadada ahayd baraha bulshada ayay qabsatay, waa lagu kala hagaagay aniga iyo saxiibkay murug ayaan albaabada u xidhanayn, waxa aan isku dhaafinayn heesba heestay ka calaacal wayn tahay waanu isla qaybsanay murugta sidaa aan awalba iskula qaybsanay jirnayn  maalmaha farxada leh.

Habeeno ayaanu tacsi caashaq fadhinayn,anagoo ka toobad keenayn inaan gabadh danbe jeclaano, waan gaaf wareegnay ilaa ay cagguhu naga daalayeen, waanu qiiroonay oo aan boholyownay wuxu iga sheekeeyay xiisaha iyo bisaylka uu u qaadi jiray,todobaadka ayay kala maqan yihiin,mararka qaar ayuu daartay cododkii ayay u soo duubi jirtay, isagoo ka dayaaya ladh bogsiin, mararka qaarna wuu canaantaa isagoo odhanayaa " waad i lugaysay oo waad i khiyaantay qalbigygana waad dhaawac laakin waan ka bixi doonaa maruun way ku soo gaadhi doontaa fariinta aan caawa ku soo dirayaa.

Mudo 4 sano ah oo uu jamacad ku maqnaa ismaanu arag saaxibkay waanu kala baadnay oo sidii hore iskuma xidhiidhino mar iyo dhif ayaan khadka iska sallaanaa, laakiin igama sheekeeyo wax iyada ku saabsan anna ma xasuusiyo waayo ma rabo inaan dab ku shido isaga oo faraxsan.

Goor habeena ayuu i soo wacay wuxu igu yidhi kumee saaxiib waan joogaaye, waxaan ku yidhi halkeed joogtaa saaxiib? wuxu si dag-dag ah ii yidhi Magaalada halkii aan habeenkii fadhiisan jirnayn ayaan kugu sugayaa, cabaar ka dib waxa aan gaadhay goobtii aan ku balanay.

Waxa aan judhiiba dhaayaha saaray ninkii oo gadhaystay, oo aad isku badalay, oo qosal iyo raandhiis badan ka muuqdo. Waayo wuxu ii sheegay, inuu helay qof ka wanaagsan qoftii uu shalay u ooyaay isaga oo wali afkiisa hadalkii ka sii dhamaan ayay soo wacday waxa igu yidhi bal eeg maxaan ku sheegay "dumashidaa waa raaliyo" hadaan helay taan u howl galay "hello mcnaanto '   i yar sug wax yar wiil aan saxiib nahaa ila joogee aan kuggu soo celiyee ".

Telefoonkii ayuu dhigay wuu ii soo jeestay isagoo igu leh wali sidaadii ayaa tahay ismaad badalin waxa aan is xaal waraysanaba,waayo aanan muddo kansho badan isku maanu helin.,ilaa iga waramay gabadhii laga guursaday halka ayay ku danbaysay.

Waxa uu ii sheegay in gabadhii la soo furay oo ay ninkii is qaban waayeen dibna ay ugu soo noqotay reerkoodii intaas uun kuma ayay joogine ilaa ayay isaggii dib ila soo hadashay iyadoo ku leh, "waan kugu gafay,nafsibaan kaa galay,dib ayaan ka ogaaday inaad qof wanaagsan ahayd anna dag-dag u i qaaday sidee u aragtaa inaan isku soo noqono" 

Aniga oo fariintan mobile kiisa ka akhrinaaya kana naxsan hadalada gabadha ka soo yeedhaya,oo dhana ka yaaban ayaan ku yidhi "adna maxaad ugu jawaabtay"? wuxu igu yidhi maxaan igu jawaabaa adaan tallo kaga fadhiyaaba oon caawa sidaa owgeed kugu yeedhee.

Habeenkaa wixii ka danbeeyay ayaan dhamays tiray, maansadan ( Wadhi ) oo micnaheedu yahay dhibaato dhibaatadaas oo ku dhacaday,wiilka aan saaxibka ahayn een qisdiisa idiinka waramay maansadu waxa ay odhanaysaa sidann. "

Warkeeda aduunyo

Ayaa wiigba cayna

Waayaaha kala jaada

Waxyeelada teeda

Ayaa wacyi reeba

Wixii kula fiican

Ayaa qof la wiiqsan

Wixii kula wayyda

Ayaa qof la wayne

Sidan kuba waayay

Ayaan waxba hayne

Waswaaska jacaylku

Naf aanu wareemin

Maraan yar wadaagnay

Maxaan wadhi doontay

Haduu wahsi beeray

Qalbigu I waraystay

Waanwaan igu biirshay

Waynaaday xidhiidhku

Waxaan sugo waayo

Wakhtaa igu koobmay

Wajiiro ii leexshay

Wacantaan sugaayay

Wasladaan u haneeyay

Waxyeelo dareentay

Wadhidii kalgacaylka

Wabixii iga gaadhay

Wali wuu istaaye

Markuu wajigeedu

Ii soo widhwidhaayay

Maxaan wadhi doontay

Maxaan hadba waaga

Sidii wacan raadshay

Ka waantoobi waayay

Qalbi dila warkeeda

Ma waabin karee

Waxaan kaga daahi

Wixii dhib I gaadhay

Wanjalaada haweenku

Nin waalan ma seegto

Maxay raga waadhadh

 Waarabe ku siiyeen

Weegaray dulucdayda

Wanjeertay calaalcal

Wuxuu cishqi keenay

Sidii wadhaf tuuray

Waaqluhi codka liita

 Waraqsiga diid yeh

Wardigiyo quraanka

Wadaadku ma daayo

 Ruuxna wacadkiisa

Qof kale ma wanaajo

Sidaan kugu waabtay

 Adoo wadnahayga

Waraabshay jacaylka

 Miyaad iga weecan

Weedhaan tabinaayo

Qalinkii wadi waaye

Waraaqdii ma oyday

Hadaan wabi raacsho

Wadann kale aadda

Waraaqaha caashaq

Dadkaa igu wiirsan

Wallee ila yaabi

Hadaan wadho suuqa

Waxaan qoray xaashi

Wargaysyada oo dhan

  Ayaa laga weecan

Waayeel dhaban haysta

   Ilinta wadi doona

  Sidii waqal hooray

 Wiilasha qoyn doona

Aheey jacayl wiirsi

Ka wayn isku fiirsi

Waraaqiyo taahe

Maxaan kugu weehday

Wanaagba waataan

Hore kaaga waayay

Wehay xiise caashaq

Wataan kaaga quustay

Noloshu wardi maaha

Qofaad wahel moodo

 Hadaad waran liita

 Wadnaha ku jarayso

Qofkii wacan maanta

Dantaa u war sheegi

Waynaa ka sareeya

Wareegto ifkaa leh 

Miyuu kuba waarri

Aduunyadu waabab

Waanaagsana maaha

Hadaad kuba waarto

Wadhidu kuma seegto

Hadaad waabay jacayla

Wax yeelo ku nuugay

Marbaan weel kalgcayla

Wacadka ku cantuugi

Marbaan kuba weehan

Farxada yar walwaalan

Xubiga ka waraabin

Waaxyahan ku ooman

Marbaan waano qaadan

Waxyeelo I gaadhay

Wadadeeda ka leexan

Samahana wanjeeran

Marbaa wadhidaada

Wilwilo ku ciyaari

Wixii nolol daahday

Agtayda ku waaban

Marbaan wahsi maydhi

Wadhfini xusuusta

Waydaysay naftayda

Sadkeeda yar weecsan

Annoo walwalkaaga

Ku wiirso lahayna

Adaa toban waanno

Ka waashay daraade

Hadeertona wayday

Waxaan kugu yeedhay

Odhaadiyo weedhsan

Waglaydiyo heesta

Sareerdo wacnaatay

Annoo kugu weehaday

Inteed waydaaranaysay

Anoo samo waadix

Warkayga ka cadeeyay

Adaa Samir wiiqay

Wallaalnimo seegay

Wadcaal waxa taagan

Wallee ka dul booday

Duruusaha weelka

Hadeer ku walwaalo

Dareen wiiradiisa

Wareenkiyo taahha

Wayraxa cadhadiisa

Wuxuushta hadhaysa

La waalo hadeerto

Waydaaro dhankayga

Walwalka iga dayso...

Maansada Wadhi 2018 

Curintii Mohamed Murtaawi Axmed Omar