MAANSADA YAMXEERO
Sidii yaquud mudhay
Yadan xareed jiiftiyo
Yalkiyo neecowduna
Ku yablastay foodhida
Yamayskoo magooliyo
Yaanyaduna bisishahay
Sida loola yaabaan
Anna aan kula yabaa
Yaasminay quruxdaada
Yusurkiyo midabkaaga
Yaafilkiyo baarkaga
Yalaxa timahaagani
Dabayshu yaleexinayso
Dhoolahagan kala yarayn
Yaqfaha dhayda u eeg
Codkiyo yeedhmadaada
Yabaqa iyo sowdkaaga
Luuqdiyo yeerkaaga
Aff yamyam lagu sheegin
Yuurka iyo xishooka
Yoolyoolka laga qaado
Dheeha kugu yaallaa
Hadaan yarro faleeyo
Yaxadho ma tihid buuran
Yiciis maaha caata ah
Yufka iyo jaahaagu
Yatiin maaha dhuuban
Qaayaha laguu yeelay
Waa yool iyo amkaage
Dhayaahaba la yaabay
Yacnii laguma dhaafo
Yoomkaan ku arkaaba
qurxdaada yaqiinsaday
La ii galay yamxeerada
Yuuskiyo calaacalkii
Yulhankii la heesoon
Sida koorta yucubeed
Dhawaqeeda yeedhmada
Qalbigayguna yulqamay
La yalaalugow jacaylka
Cidladaa yaxoobsaday
Yabaqbaa ibaxay dheer
Qurcudkoo yal yidhibaan
Dadku iga wada yaxyexoo
Yacaygaa dhex jidhoon
Dhul uu yaal silcbaan
Yu adkiyo jibaadkii
Jacaylkaad yaraysaan
La yuhansadoon daradaa
La yahoon haraadoo
La yururay duleedkaas
Yoomalkaaf ku gaadhay
Waan la yabax liitoon
Quluubtuu dhex yaaluu
Sidii yaxaas u rudhay
Yamiisbuu ka dhigtoo
Siduu rabuu ka yeelay
Dhiiguu dhex yaacoo
Dubkuu yaryaraystoo
Yaaliinbuu ku simay
Saxiib yaxye yabaashow
Qofka ilyar ugu fiirshaa
Wuu i yaqiinsan waayaa
Wuu ila yaabgunuusaa
Wuu ii dhaliil yamxeera
Wuu ii dhawaq yasiraa
Dhugay ima yeeshee
Sidaan ahay yuxuudbuu
Hankaygiiba yooloo
Qataar la yuucanahay
Yilidaa samada duushaay
Adaa dhulka kala yaqaane
Yasmiin fariin iga geeyoo
La i yaryaree gabigay dhe
Yamyam laga siiba dhe
Awgaa la yibidhsadee dhe
Yamanbuu u qayshee dhe
Yoolbuu muquurshee dhe
Taahbuu la yibidhsadee dhe
Waadhka ayuu yalaa dhe
Yaqaflahuu la simay dhe
Yoosaha qiraduu dhe
Tiicbuu ku yabaalshee dhe
Yoolbuu muquurshee dhe
Ma yutucsado himilo dhe
Yididiilo ma helin dheh
Annu kuma yaseen dhe
Sidaa kama yeeleen dhe
Is yeelyeelka igadaa dhe
Yaxaasbaa I rudhayee dhe
Yaybaa I weerartee dhe
Yurbaan ka odhanlaahye
Reer ila yagleel dhe
Yaradbaan soo wadaa dhe
Wadadaadu ha yimaadane
Yasiinka ha lamariyee dhe
Waa yahay maruun dhe
Comments
Post a Comment